Черногорияда ўтказилган Европа клублари кубогининг сўнгги, 7-турида Нодирбек Абдусатторов нидерландиялик Аниш Гирига мағлуб бўлди.
Натижада Абдусатторовнинг SuperChess Romania жамоаси турнирни 11 очко билан 4-ўринда якунлади.
Нодирбек Ёқуббоев эса ҳиндистонлик Пранав Венкатеш билан дуранг қайд этди. Нодирбекнинг Novy Bor Chess Club жамоаси 13 очко жамғариб, 2-ўринни эгаллади.
Якуний учлик қуйидагича кўриниш олди:
Bayegan Pendik (Туркия) — 13 очко
Novy Bor Chess Club (Чехия) — 13 очко
Rishon LeZion A (Исроил) — 12 очко.
Bayegan Pendik ва Novy Bor бир хил очко жамғарган бўлса-да, Туркия клуби қўшимча кўрсаткичлар бўйича чемпионликни қўлга киритди.
