«Реал» чемпионатда иккинчи марта мағлуб бўлиб, турнир жадвали пешқадами «Барселона»дан 8 очкога ортда қола бошлади.
Мадрид Каталонияда ютқазди
Мадридликлар Каталонияда, мавсум дебютанти «Жирона»га қарши принципиал баҳсда мағлуб бўлди.
Ўйин Каталониядаги воқеалар туфайли қолдирилиши ҳам мумкин эди. «Реал» бош мураббийи Зинедин Зидан Испания кубогида «Фуэнлабрада»га қарши ўйиндан кейин ўйин қолдирилиши ҳақида ўйламаётганини айтди. Начо қўшимча қилди: «Биз ўйин қолдирилиши мумкинлиги ҳақида эшитдик. Аммо биз ўйнамоқчимиз, ҳеч қандай муаммо йўқ».
Икки жамоа ўртасидаги ўйин Каталониядаги сиёсий инқироз фонида янада катта аҳамият касб эта бошлади. Шу кунларда Каталония мустақиллик эълон қилган, Мадрид эса ҳудуд раҳбариятини ишдан бўшатган. Сабаделядагилар испан паспортларини ёқа бошлашди, энг радикал каталонлар яшовчи Жиронада эса Испания байроқлари ҳукумат биноларидан туширилди.
Шу туфайли «Реал» бу ўйинга Испаниянинг бош рамзи сифатида келди, «Жирона» эса каталонлар умиди эди.
«Қироллик» хавфсизлиги»
Пойтахтликлар хавфсизлик чораларини кўришди, «Реал» Каталонияда Испания байроғи туширилган автобусда ҳаракатланмасликка рози бўлди, жамоага мезбонларнинг автобуси тақдим этилди. Мадрид бу орқали оғир сиёсий вазиятда каталонияликларнинг ғазабини келтиришдан тийилди. Бунга изоҳ сифатида «Реал» автобуси Лондонга юборилганини, жамоа кейинги ҳафтада Лондонда ЕЧЛ доирасида «Тоттенҳэм»га қарши ўйнашини айтишди. Аммо асл сабаб нимадалигини барча биларди.
Шанбадан якшанбага ўтар кечани «Реал» Испанияда энг қаттиқ қўриқланган меҳмонхонада ўтказди. Бу меҳмонхона шу куни ҳақиқий «қироллик бункери»га айланди. Айтишларича, мадридликлар аввалига Жиронада икки кун бўлиш ғоясидан воз кечиб, ўйин якунланиши биланоқ шаҳарни тарк этишни режалаштиришган. Аммо биринчи режа ўзгартирилмади, футболчиларнинг яхшилаб дам олиши биринчи ўринга чиқарилди.
«Реал»нинг омади
