Швейцариялик Рожер Федерер Профессионал теннисчилар уюшмаси (ATP)нинг Базелдаги мусобақаси финалида аргентиналик Хуан Мартин дель Потрони мағлуб этди. Мусобақанинг мукофот жамғармаси 1,8 млн долларни ташкил қилган.
Учрашув 36 ёшли швейцарияликнинг 6:7 (5:7), 6:4, 6:3 ҳисобидаги ғалабаси билан якунланган.
Шу тариқа Федерер ATP’нинг 95-мусобақасида ғолибликка эришди ва бу кўрсаткич бўйича афсонавий чех Иван Лендлни (94 та мусобақада ғалаба) ортда қолдириб, 2-ўринга кўтарилиб олди. Бу борада америкалик Жимми Коннорс 109 та ғалаба билан етакчи бўлиб қолмоқда.