«Қаймоқранглилар» сафида Борха Майораль дубль қайд этди, меҳмонлар сафида Луис Милья ва Альваро Портилья гол уришди.
«Реал» ярим ҳимоячиси Гарет Бэйл икки ойдан буён илк марта майдонга тушди. 62-дақиқада майдонда пайдо бўлган уэльслик футболчи тўпга биринчи тегинишидаёқ голли пас муаллифига айланди.
Мадрид клуби биринчи ўйинда 2:0 ҳисобида ғалаба қозонганди ва жамоа энди 1/8 финалга йўл олди.
Шунингдек, «Сельта» ва «Леванте» ҳам кейинги босқичга чиди. Виголиклар жамоасид«Эйбар»ни ўз уйида таслим этди — 1:0. Хуана Карлос Унсуэ шогирдлари биринчи ўйинда ҳам ғалаба қозонганди — 2:1. «Леванте» «Жирона» билан дуранг ўйнади, аммо сафарда 2:0 ҳисобида ғалаба қозонгани учун кейинги босқичга чиқадиган бўлди.
«Малага» «Нумансия» билан дуранг ўйнади, Малагадаги «Ла-Росаледа» стадионида кечган учрашувда томонлар биттадан гол уришди - 1:1.
18-дақиқада Адриан Гонсалес мезбонларни олдинга бошлаганди, аммо иккинчи бўлим бошида Унаи Эльхесабаль ҳисобни тенглаштирди.
Биринчи учрашувда «Нумансия» 2:1 ҳисобида ғалаба қозонганди ва шу туфайли жамоа кейинги босқичга ўтди, «Малага» турнирни тарк этадиган бўлди.
1/16 финалнинг яна бир учрашувида «Леганес» «Вальядолид»ни мағлубиятга учратди - 1:0. Биринчи учрашувда ҳам 2:1 ҳисобида ғалаба қозонган «Леганес» кейинги босқичда ўйнайдиган бўлди.
Бугун турнирнинг ушбу босқичида яна 11та ўйин ўтказилади, «Барселона» «Мурсия» билан, «Севилья» «Картахена» билан ўйнайди.
