Аралаш яккакураш жанг санъатлари устаси Анвар Бойназаров (2-2-0) шу йилнинг 1 декабрь куни АҚШнинг Нью-Йорк шаҳрида “GLORY” чемпионлик камари учун рингга чиқади. Бу ҳақда ҳаваскор ва профессионал Кикбоксинг федерацияси KUN.UZ’га маълум қилди.
Муай тай бўйича 2 карра жаҳон чемпиони Бойназаров америкалик Кевин ван Нострандга (4-1-0) қарши рингга кўтарилади. Бойназаров 4 жангидан 1 тасини нокаут билан якунлаган бўлса, унинг рақиби 5 жангидан 2 тасини муддатидан аввал тугатишга муваффақ бўлган.
Эслатиб ўтамиз, ўзбекистонлик спортчи 28 октябрь куни Франциянинг Лион шаҳрида ўтказилган «GLORY 47» мусобақасида финалгача етиб келган эди.
