Европа иттифоқи Болқон ярим оролининг бирданига олти давлатига ташкилотга аъзоликни таклиф этмоқчи, бу Россия таъсири ҳамда миграция оқими билан курашиш учун керак, деб хабар қилмоқда Financial Times.
Гап Албания, Сербия, Черногория, Косово, Македония ва Босния ҳамда Герцеговина ҳақида кетмоқда. Бундай қарор Болқон давлатлари ўзи орқали асосий миграция оқимини ўтказиши билан ҳам боғлиқ, у Европада инқирозга олиб келди.
Бундан ташқари, Брюсселдагиларнинг хавфсирашича, Москва минтақада таъсирини кучайтирмоқда ва Евроиттифоққа аъзолик бўйича ваъдалар ишончсиз эканини айтиб, ўзини муқобил шерик сифатида таклиф қиляпти.
Нашрнинг таъкидлашича, кенгайтириш бўйича режалар Еврокомиссия ҳужжатида акс этган, у 6 февраль куни эълон қилинади. Энг қисқа муддат сифатида 2025 йил белгиланган, бироқ уни реал сана сифатида эмас, балки рағбатлантириш омили каби кўришмоқда. Олти номзоддан фақат иккитаси – Сербия ва Черногория – ЕИга кириш борасида музокаралар бошлаган.
Европа иттифоқига сўнгги кирган давлат Хорватия бўлди (2013 йил). Ташкилот тарихида фақат бир мамлакат уни тарк этиш ҳақида эълон қилди – 2016 йилнинг июнида Буюк Британияда референдум ўтказилиб, унда сайловчиларнинг 51,9 фоизи Brexit учун овоз берди, деб хабар қилмоқда РИА Новости.
