«Суонси» 8та гол уриб ғалаба қозонди. Англия Кубогида нимчорак финалга чиққан яна 3 жамоа номи маълум 

«Суонси» Англия Кубогининг 1/16 финалида «Ноттс Каунти»га қарши ўйнади. Суонсидаги «Либерти» стадионида кечган учрашув мезбонларнинг 8:1 ҳисобидаги ғалабаси билан тугади.

Уэльсликлар жамоаси сафида Тэмми Абраҳам ва Натан Дайер иккитадан, Кайл Нотон, Уэйн Рутледж, Том Кэрролл ва Даниэль Жеймс биттадан гол уришди. Меҳмонларнинг ягона жавоб голига Ноор Ҳьюсин муаллифлик қилди.

Ушбу жамоаларнинг биринчи учрашувида 1:1 ҳисобидаги дуранг қайд этилганди. Энди «Суонси» 1/8 финалда «Шеффилд Уэнсдей»га рақиб бўлади.

Чемпионшип вакили «Бирминҳем Сити» ўз майдонида «Ҳаддерсфилд Таун»га қарши ўйнади. Ўйиннинг асосий вақтида ғолиб аниқланмади – 1:1. Мезбонлар сафида Че Адамс гол урганди, меҳмонлар Марк Робертснинг автоголи эвазига ҳисобни тенглаштиришди.

Қўшимча бўлимларда «Ҳаддерсфилд»ни тўхтатиб бўлмади, «Бирмингем» дарвозасига яна 3 гол урилди - Стив Мунье, Райив ван ла Парра ва Том Инс ўз номларини таблога ёздиришди. Энди Англия Кубогининг 1/8 финал босиқичида «Ҳаддерсфилд Таун» «Манчестер Юнайтед» билан ўйнайди.

Англия Кубогининг 1/16 финалида яна бир такрорий ўйин «Рочдейл» ва «Миллуолл» ўртасида кечиб, унда мезбонлар ғолиб бўлишди — 1:0 (биринчи ўйин — 2:2). Кейинги босқичда «Рочдейл» «Ньюпорт Каунти» — «Тоттенҳэм Ҳотспур» жуфтлиги ғолибига рўбару бўлади.

Англия Кубоги
4-раунд
Такрорий ўйинлар
Суонси – Ноттс Каунти 8:1 (4:1, 4:0)
Голлар: 1:0 – 18 Абрахам, 2:0 – 20 Дайер, 3:0 – 30 Дайер, 3:1 – 35 Хусин, 4:1 – 45 Абрахам, 5:1 – 53 Нотон, 6:1 – 57 Раутледж, 7:1 – 65 Кэрролл, 8:1 – 82 Жеймс.
Суонси – Нордфельдт, ван дер Хорн (Марич, 78), Нотон, Бартли, Робертс, Раутледж, Дайер (Жеймс, 62), Кэрролл, Клукас (Ки Сон Ен, 46), Нарсинх, Абрахам.
Ноттс Каунти –    Коллин, Даффи, Хант, Дикинсон, Бризли, Хусин (Милсом, 62), Грант, Верчью-Тик, Хоукридж, Стид (Смит, 65), Алессандра (Форт, 62).
Огоҳлантиришлар: Клукас (41), Верчью-Тик (90).

Рочдейл – Миллуолл 1:0 (0:0, 1:0)
Гол: 1:0 – 53 Хендерсон.
Рочдейл – Лиллис, Дилэйни, Макгэхи, Макналти, Китчинг, Кэннон, Кэмпс, Дон, Рафферти, Эндрю, Хендерсон.
Миллуолл – Мартин, Хатчинсон, Мередит, Маклафлин, Шекелл, Томпсон, Уильямс, Фергюсон (Морисон, 63), Танниклифф (Грегори, 63), Оньединма (Уоллес, 77), Эллиотт.
Огоҳлантиришлар: Кэннон (76), Маклафлин (85), Китчинг (90).

Бирминҳем – Ҳаддерсфилд 1:4 (0:0, 1:1, 0:2)
Голлар: 1:0 – 52 Адамс, 1:1 – 60, автогол Робертс, 1:2 – 94 Мунье, 1:3 – 97 ван Ла Парра, 1:4 – 106 Инс.
Бирминҳем – Стокдэйл, Робертс, Моррисон, Брэмелл, Дин, Ндойе (Хота, 46), Лоу (Лэйкин, 101), Гарднер, Дженкинсон (Дакрес-Когли, 71), Юткевич (Бога, 86), Адамс.
Ҳаддерсфилд –    Лессль, Конголо, Мэлоун (Леве, 95), Смит (Хадерджонай, 46), Йоргенсен, Сабири (ван Ла Парра, 56), Биллинг, Муй, Инс, Кванер (Скэннел, 99), Мунье.