Трамп ва Путин ўртасида телефон мулоқоти бўлиб ўтди

АҚШ президенти Дональд Трамп Россия президенти Владимир Путин билан телефон орқали мулоқот қилди. 

«Мен ҳозиргина Америка қўшма штатлари президенти жаноб Трамп билан мулоқот қилдим», — деган Путин Фаластин раҳбари Махмуд Аббос билан учрашув вақтида.

Путин ушбу мулоқотда Трамп билан Фаластин-Исроил масаласини муҳокама қилгани ҳақида гапирган.

«Ундан сизга энг яхши тилакларни етказаман», — деган Россия президенти.

Ўз навбатида, Дональд Трамп Россия раҳбарига Москва вилоятида 11 февраль куни Ан-148 самолёти ҳалокатга учраши муносабати билан ҳамдардлик билдирган.

«Саратов авиалиниялари»га тегишли самолёт Москвадан Орскка учиш вақтида Подмосковьеда қулаб тушди. Унинг бортидаги 71 кишининг барчаси ҳалок бўлди.