Асенсио «Реал»нинг юбилей голини урди

Испания чемпионатининг 24-турида «Бетис» Мадриднинг «Реал» клубини қабул қилди. Севильядаги «Бенито Вильямарин» стадионида кечган учрашув 5:3 ҳисобида меҳмонлар жамоаси фойдасига ҳал бўлди.

Мезбонлар сафида Айсса Манди, Серхио Леон голларга муаллиф бўлди, шунингдек, мадридликлар жамоаси ҳимоячиси Начо автогол урди. «Реал» сафида Марко Асенсио дубль қайд этди, Серхио Рамос, Криштиану Роналду ва Карим Бензема биттадан гол уришди.

Асенсионинг иккинчи голи мадридликлар жамоасининг Испания Примераси ўйинларидаги юбилей 6000-голи бўлди.

Кучли бешликда фақат «Эвертон» (6961), «Арсенал» (6769), «Ливерпуль» (6756), «Астон Вилла» (6608) ва «МЮ» (6430) жамоалари бу довондан ошган.

«Реал» айни вақтда 45 очко билан Испания чемпионати турнир жадвалида тўртинчи ўринда бормоқда.