Саркози баёнот берди

Фото: AP

Франция собиқ президенти Николя Саркозининг фикрича, ўзига коррупция, сайлов кампаниясининг ноқонуний молиялаштирилиши ва Ливия давлат маблағларини яшириш бўйича қўйилган айбловлар асоссиздир. Бу ҳақда Le Figaro ёзмоқда.

«Мен қандайдир аниқ далилларсиз айбландим – Муаммар Қаддофийнинг ўғли, қариндоши, амакиваччаси, собиқ бош вазири, вакили ва Зиёд Такиёддиннинг баёнотлари асосида», - дея айтиб ўтган Саркози судда.

Эслатиб ўтамиз, аввалроқ Франция собиқ президенти Николя Саркозига хориждан президентлик кампаниясининг ноқонуний молиялаштирилиши бўйича айблов қўйилгани хабар берилганди.