АҚШ давлат котиби ўринбосари вазифасини бажарувчи Ҳизер Науэртнинг маълум қилишича, Қўшма Штатлар Солсберида ГРУ собиқ полковниги Сергей Скрипаль заҳарланиши туфайли Россияга қарши чораларнинг турли вариантларини кўриб чиқяпти. Бу ҳақда РИА «Новости» хабар берди.
«АҚШ Россиянинг Буюк Британиядаги ярамас ҳаракатларига турли жавоб вариантларини кўриб чиқмоқда. Бу иттифоқчимиз билан бирдам эканимиз ҳамда Россияни халқаро норма ва битимларнинг очиқдан очиқ бузилиши учун жавобгарликка тортиш учун керак. Бугунги кунда Давлат департаменти хабар қилиши мумкин бўлган чоралар йўқ, бироқ биз ҳаракатларга киришганимизда, сизларни албатта хабардор этамиз», - дея маълум қилган Науэрт.
Эслатиб ўтамиз, аввалроқ АҚШ миллий хавфсизлик кенгаши Трампга россиялик дипломатларни чиқариб юборишни маслаҳат берганди.
