Тошкентда тақинчоқ талончиси ушланди

Иллюстратив фото / npu.gov.ua

Тошкент шаҳрининг Учтепа туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишча, номаълум шахс 31-даҳада жойлашган 295-сонли ўрта мактаб биноси олдида шу даҳада яшовчи, 1986 йилда туғилган Д.Р.нинг бўйнидан умумий қиймати 2.500.000 сўмлик занжирини тортиб олиб кетган.

Кўрилган чоралар натижасида ушбу жиноятни Юнусобод тумани Тош ГРЭС кўчасида яшовчи, 1988 йилда туғилган Ф.О. содир этганлиги аниқланиб қўлга олинган.

#Учтепа #талончи #Тақинчоқ