Хитой божхона ходимлари Ҳонгконгдан Шэньчжэнга iPhone’лар олиб ўтиш учун дронлардан фойдаланган контрабандачилар гуруҳини қўлга олди. Бу ҳақда Reuters ахборот агентлиги хабар берди.
Полиция маълумотларига кўра, контрабандачилар одатда яримтундан кейин ишлашган. Уларга чегара орқали смартфон солинган кичик сумкаларни ўтказиш учун бир неча сония кифоя қилган. Жиноятчилар шу йўл билан 79,8 млн доллар ишлаб топишга муваффақ бўлишган.
Хитой мутасадди идораларининг маълум қилишича, ушбу жиноят контрабанда учун дронлар қўлланган Хитойдаги илк жиноят бўлди.
