Испанияда буқанинг фестивалда эркакни сузиб ташлаши фожиа билан тугади

Испаниянинг Аркос-де-ла-Фронтера шаҳрида буқа пасха фестивали вақтида эркак кишини сузиб ташлади. Ҳодиса тасвирланган видео YouTube’да эълон қилинган.

45 ёшли испаниялик эркак энсьерро – миллий кўнгилочар тадбир давомида жабрланди. Бунда тадбир иштирокчилари махсус чиқариб юборилган буқалар, сигирлар ёки бузоқлардан қочиши керак.

Роликдан кўриш мумкинки, ҳайвон югуриб келиб эркакка урилган ва уни бир неча марта ҳавога кўтариб ташлаган. Шу билан бирга, буқа шохлари билан зарба беришда давом этган.

The Local’нинг ёзишича, аксарият зарбалар эркакнинг кўкраги ва сонига тўғри келган. Жабрланувчи шифохонага олиб кетилди, у ерда ўпка жароҳати туфайли вафот этди.