Британия полицияси Италиянинг «Рома» клуби икки ишқибозини ҳибсга олди, деб хабар қилмоқда ТАСС.
Daily Mail маълумотига кўра, ишқибозлар Чемпионлар лигасининг биринчи ярим финали доирасида маҳаллий «Ливерпуль»га қарши ўйиндан аввал одам ўлдиришга суиқасд қилганликда айбланмоқда.
Маълум бўлишича, «Рома»нинг тахминан йигирма нафар ишқибози «Ливерпуль» мухлисларига ҳужум қилган. Англияликлар «Энфилд» стадионидан унча узоқ бўлмаган ердаги барлардан бирида бўлган.
Таъкидланишича, тўқнашув натижасида кекса ёшли эркак жиддий жабрланди.
«Ливерпуль» раҳбарияти жабрланган шахс, шунингдек унинг оиласига ёрдам тақдим этилиши ҳақида расман маълум қилди.
«Ливерпуль» — «Рома» учрашуви мезбонларнинг 5:2 ҳисобидаги ғалабаси билан якунланди.
