Араб давлатлари лигаси (АДЛ) бош котиби Аҳмад Абул Ғайтнинг айтишича, АДЛ Ал-Қудсни Исроил пойтахти деб тан олган ва ўз элчихоналарини у ерга кўчириб ўтказган Гватемала ва бошқа давлатлар билан муносабатларни қайта кўриб чиқиши мумкин.
“Биз кеча ўз элчихонасини Ал-Қудсга кўчирган Гватемаланинг ҳаракатини қоралаймиз. Араб давлатларининг бу ва бундай қадамга қарор қиладиган бошқа давлатлар билан муносабатлари қайта кўриб чиқилиши керак”, деб айтган АДЛ бош котиби лиганинг Қоҳирада ўтган фавқулодда йиғилишида.
Гватемала АҚШдан кейин элчихонасини Ал-Қудсга кўчирган иккинчи давлат бўлди.
