Ким Чен Ин икки йил ичида биринчи марта партия ҳарбий комиссиясини чақирди

Фото: KCNA KCNA/Reuters

КХДР етакчиси Ким Чен Ин икки йил ичида биринчи марта Корея Меҳнат партияси марказий ҳарбий комиссияси йиғилишини ўтказди, унинг давомида мамлакат кучишлатар тузилмаларида кадр ўзгаришлари амалга оширилди. Бу ҳақда Корея Марказий телеграф агентлиги хабар қилмоқда.

«Партиянинг марказий ҳарбий комиссияси қатор аъзоларини лавозимидан озод этиш ва лавозимга тайинлаш тўғрисидаги, кучишлатар тузилмаларнинг қатор юқори мансабли ходимларини лавозимидан озод этиш ва лавозимга тайинлаш тўғрисидаги, янги кадрларни тайинлаш тўғрисидаги ташкилий масалалар кўриб чиқилди», - дейилади КХДРнинг расмий хабарида.

Шунингдек, агентликдан таъкидлашларича, Ким Чен армияни мамлакат қадриятларини ҳимоя қилиш ва инқилобнинг «мағлуб бўлмайдиган қуроли» бўлишга чақирган.

Эслатиб ўтамиз, аввалроқ КХДР АҚШ билан саммитни бекор қилиш ҳақида таҳдид қилганди.

Тайёрлаган: Отабек Матназаров

#КХДР #Ким Чен Ин