Қўшимча функционаллар
-
Тунги кўриниш
Хайрулла Ҳамидов жаҳон чемпионати ўйинларини шарҳлайди
Бугун ўзбек футбол мухлисларини Равшан Эрматовнинг иштирокидан ташқари, яна бир дебют кутиб турибди.
Машҳур футбол шарҳловчиси Хайрулла Ҳамидов 12 йиллик танаффусдан сўнг жаҳон чемпионати ўйинларини шарҳлайдиган бўлди. Бу келишув Ўзбекистон Футбол ассоциацияси ташаббуси билан амалга ошган.
"Uzreport TV" канали ва Ўзбекистон Футбол ассоциациясига йўлланган жуда кўп мурожаатлар ва футбол мухлислари талаб ва истакларини инобатга олиб, "Uzreport TV" телеканали Хайрулла Ҳамидов билан ҳамкорлик қиладиган бўлди. Аслида МТРК “Спорт” ходими бўлган шарҳловчи Хайрулла Ҳамидов мундиал пайтида шартнома асосида, "Uzreport TV" ва "Футбол" каналларида жонли трансляция қилинадиган баъзи ўйинларини шарҳлайди.
Бир неча дақиқалардан сўнг, соат 17.00 да бошланадиган Дания ва Австралия ўртасидаги ўйинда севимли шарҳловчингизнинг овозини "Uzreport TV" телеканалидаги транслация орқали эшитишингиз мумкин бўлади.
Россия мундиали
2018 йилнинг 14 июнидан 15 июлига қадар Россиянинг 11та шаҳрида 12та стадионда ЖЧ-2018 бўлиб ўтади. Россия илк бор мундиалга мезбонлик қилмоқда.
Мавзуга оид
20:10 / 02.10.2024
Ўзбекистонлик хоккейчилар илк маротаба жаҳон чемпионатида иштирок этади
13:07 / 13.04.2024
YouTube вояга етмаганлар учун шарҳ қолдириш имкониятини чеклайди
15:23 / 04.12.2023
Тошкент оғир атлетика бўйича ёшлар ўртасидаги жаҳон чемпионатига мезбонлик қилади
20:22 / 26.11.2023