Суратда Ди Каприо ва Питт қаҳрамонлар сиймосида акс этишган, бири - вестернларнинг ёши ўтиб бораётган юлдузи, иккинчиси эса - унинг дублёри. Актёрлар Тарантино кинокарьерасида тўққизинчи ва энг сўнгги бўлиши кутилаётган "Бир куни Ҳолливудда" картинасида суратга тушишмоқда.
Фильм сюжети актриса Шэрон Тейт (Марго Робби) ўлими атрофида ривожланади. Шэрон Тейт — режиссёр Роман Поланскининг марҳум турмуш ўртоғи. Чарльз Мэнсон культи давомчилари аёл ҳомиладорлигининг сўнгги ойида уни шафқатсизларча ўлдиришган.
"Бир куни Ҳолливудда" криминал драмаси премьераси 2019 йилнинг августига режалаштирилган.
