4 июль куни Тошкент шаҳрини Тошкент вилоятининг шарқий туманлари ва Фарғона водийси билан боғлайдиган Оҳангарон шоссесининг бир қисмида автотранспортлар ҳаракати вақтинча чекланади. Бу ҳақда Тошкент шаҳар ИИББ ахборот хизмати хабар қилмоқда.
“Бугун, 4 июль куни, йўл таъмирлаш ишлари муносабати билан Ҳусайн Бойқаро кўчасидан Оҳангарон шоссеси бўйлаб Тошкент автомобиль халқа йўлигача қисми бир йўналишда автомобиль ҳаракатлари учун йўл ёпилади. Автомобилларнинг айланиб ўтиши Ҳусайн Бойқаро кўчаси бўйлаб ташкил этилган.
Вақтинчалик ноқулайликлар учун узр сўраймиз”, - дейилади хабарда.
