Руҳоний: Эрон билан бўладиган уруш - барча урушларнинг онаси бўлади

Эрон Ислом Республикаси президенти Ҳасан Руҳонийнинг фикрича, Эронга қарши қаратилган ҳар қандай ҳарбий амалиёт «барча урушларнинг онаси»ни келтириб чиқаради. Бу ҳақда INSA агентлиги хабар бермоқда.

«Америка билиши керак, Эрон билан бўладиган уруш урушларнинг онаси» бўлади», деган Руҳоний.

Шунингдек, у америкалик ҳамкасби Дональд Трампга «шернинг думи билан ўйнашмаслик кераклиги»ни ва бундай ҳаракат унга «қимматга тушиши»ни қўшимча қилган.

Эрон ва Америка муносабатлари АҚШнинг Эрон ядро дастури бўйича келишувдан чиқиши ортидан ёмонлашди.

Аввалроқ, Руҳоний АҚШ ҳар қачонгидан ҳам кўра яккаланиб қолганини айтган эди. Унинг бундай фикрни илгари суришига Трампнинг Буюк Британияга қилган ташрифи пайтида бўлиб ўтган намойишлар сабаб бўлгани айтилади.