Боатенг Неймар ва Мбаппега жамоадош бўлиши мумкин

«Бавария» клуби ва Германия терма жамоаси ҳимоячиси Жером Боатенг катта эҳтимол билан фаолиятини Франция чемпионатида давом эттиради.

Sky Sport хабарига кўра, 29 ёшли футболчи тез орада «Пари Сен-Жермен» клуби билан шартнома имзолайди. Айни пайтда томонлар ўртасида ўтказилаётган музокаралар якуний босқичга етиб келган. 

Аввалроқ, «ПСЖ» Боатенг учун «Бавария»га 50 миллион евро таклиф қилгани, мюнхенликлар клуби футболчиси учун 80 миллион евро талаб қилгани ҳақида хабарлар тарқалган эди. Айни вақтда томонлар 60-70 миллионлик нархга келишгани айтилмоқда. Футболчининг хизматига «Манчестер Юнайтед» ҳам қизиқиш билдирмоқда.

Худди шу вақтда «Бавария» президенти Ули Хенесс мюнхенликлар яқин вақтлар ичида 3 футболчи билан хайрлашишини маълум қилди. Аммо трансферга қўйилаётган футболчилар номини ошкор этмади.

Ўтган мавсумда ушбу футболчи Бундеслиганинг 19та ўйинида майдонга тушиб, 1та гол урган ва 2та голга ҳаммуаллифлик қилган.