Ўзбекистонда чет эл инвестицияларининг минимал миқдори 15 фоизгача туширилади. Бу ҳақдаги Ўзбекистон Республикаси президентининг фармони лойиҳаси 2018 йил 30 сентябрга қадар тайёрланади.
Бу президент томонидан тасдиқланган мамлакатнинг инвестициявий жозибадорлигини ошириш бўйича чора-тадбирлар дастурида белгилаб берилди.
Қайд этилишича, Адлия вазирлиги, Иқтисодиёт вазирлиги ва президент ҳузуридаги Лойиҳа бошқаруви миллий агентлиги бу борада масъул этиб белгиланди.
Маълумот учун: бундан аввал чет эл инвестицияси иштирокидаги корхоналар устав фондида чет эл инвестицияларининг минимал миқдори 30 фоиз эди.
