DV-2019. Ўзбекистонликлар қанча грин карта ютиб олди?

Фото: Depositphotos

Яқинда DV-2019 виза лотереяси натижалари эълон қилинди, унда собиқ СССРнинг 20 мингга яқин аҳолиси Қўшма Штатларда яшаш ҳуқуқига эга бўлди.

Дастлабки норасмий маълумотларга кўра, энг муваффақиятлига Ўзбекистон фуқаролари айланди - улар 4500га грин карта олган. Бир оз камроқ Россия ва Украина фуқароларида - ҳар бир мамлакат учун 4400 грин карта, деб ҳисоблаб чиқди nashicanada.com нашри.

Учинчи ўринни Арманистон эгаллади. Унинг аҳолиси 2800 грин картани олади. Беларуслар 1400 грин картани ютиб олган бўлса, тожиклар - 1200, грузинлар - 1100, қозоқлар - тахминан 1000, озарбойжонлар - 900.

Собиқ СССР маконидаги энг ёпиқ давлат - Туркманистонга 300та грин карта юборилади. Энг кам грин картани Эстония фуқаролари ютиб олди. Лотереяда ютган эстонлар сони атиги 60 кишини ташкил қилади.