Январь-июнь ойларида аҳоли жон бошига ЯИМ 4,6 млн сўмдан тўғри келди

Фото: KUN.UZ

Жорий йилнинг биринчи ярим йиллигида мамлакатнинг ялпи ички маҳсулоти қарийб 153 трлн сўмни ташкил этиб, ўтган йилнинг мос даврига нисбатан 4,9 фоизга ўсган. Бу ҳақда Олий Мажлис Қонунчилик палатаси сайтида хабар берилган.

Қайд этилишича, бу аҳоли жон бошига ҳисобланганда 4,6 млн сўмни ташкил этган ва бу кўрсаткич ўтган йилнинг мос даврига нисбатан 3,1 фоизга ортган.

Шу билан бирга, 2017 йилнинг мос даврига нисбатан саноат – 6,1 фоизга, қишлоқ, ўрмон ва балиқ хўжалиги – 2,7 фоизга, қурилиш – 9,7 фоизга, савдо, яшаш ва овқатланиш бўйича хизматлар – 1,7 фоизга, бошқа хизматлар соҳаси – 5,0 фоизга ўсишига эришилган.