«У жуда кучли». Нурмагомедовнинг мураббийи Макгрегордан ҳайиқаётганини яширмади

Россиялик жангчи Ҳабиб Нурмагомедовнинг мураббийси Хавьер Мендес ўз шогирдининг рақиби ирландиялик Конор Макгрегор ҳақида фикр билдирди.

Мураббийнинг маълум қилишича, Мутлақ жангчилар чемпионати собиқ чемпиони қаднинг ростланган вазиятидаги жанг бўйича энг кучлисидир.

«Мен учун Макгрегор - бутун UFC’да қаднинг ростланган вазиятидаги жанг бўйича энг яхши жангчи. Бу менинг фикрим. Бизда у билан шу услубда жанг қилишга тайёргарлик кўриш учун ҳеч қандай вақт йўқ. Мен: «Ҳа, биз уни ер билан битта қилиб ташлаймиз», деб айтмайман. Одамлар, уйғонинг. Бу иш бермайди. Мен бизда Конор билан жанг қаднинг ростланган вазиятида услубда кечишини истамайман, у бунда жуда кучли», - дея Мендеснинг сўзларини келтиради Eurobash.

Нурмагомедов - Макгрегор жанги UFC 229 мусобақасида 6 октябрь куни Лас-Вегасда ўтказилади.

Эслатиб ўтамиз, аввалроқ Мейвезер Макгрегор - Нурмагомедов жанги қандай якунланиши ҳақида гапирганди.