Агар бирор ёмон нарса содир бўлса, одам ўз хавотиридан яшириниб, бари ўз жойига келишини кутади. Бу кўпроқ бахт ва камроқ оғриққа эришиш йўлидаги нормал реакция. Бироқ агар салбий туйғулар узоқ давом этса, улардан беркинишга ҳаракат қилиб, яшамай қўямиз.
Ёмон вақт ўтиб кетишини бомбадан қочиш жойида кутиб ўтирмаслик учун ундан максимал даражада фойда олиш лозим.
1. Салбий ҳолатни ўсиш имконияти сифатида қабул қилинг
Ҳар қандай салбий хавотир тўғри қабул қилинса, сизни кўп нарсага ўргатиши мумкин. Ишдан кетиш сизга кўпроқ мос келадиган касбни танлашда туртки бўлади. Яқин инсон билан ажрашиш янги сифатли муносабатларга ўрин бўшатади.
Касаллик кўп нарсаларни нотўғри қилаётганингизни айтади. Иш билан бандсиз, саломатлигингизга эътибор бермаяпсиз, оилангиз ва ўзингизга вақт ажратмаяпсиз, жуда кўп хавотирга тушяпсиз. Кўпинча касалликлар одамларда ўз нуқтаи-назарларини ўзгартиради, улар ўзлари ҳақида ғамхўрлик қилиб, вақтларини кўпроқ яқинлари билан ўтказишни бошлайдилар.
Ҳар қандай ёқимсиз ҳолат – сизнинг ўқитувчингиз. Бироқ сабоқни тушуниш учун унга очиқлик билан муносабатда бўлишингиз лозим.
2. Яширинманг, ҳаётингизни тўлақонли яшанг
Тушкунликдан қочиш истагида одамлар маънисиз машғулотлар ортига яширинадилар: спиртли ичимликлар ичадилар, ортиқча овқат ейдилар, телевизор кўрадилар, интернет ва ижтимоий тармоқларга «ёпишиб» қоладилар, компьютер ўйинларини ўйнайдилар. Яъни муаммолари ҳақида ўйлаб, оғриқни ҳис этмаслик йўлида барча нарсаларни қилиб кўришади.
Бундай стратегия вақтинчалик ёрдам беради. Туйғулар ҳеч қаерга йўқолмайди: ичишнинг эртаси куни, ейилган бир челак музқаймоқдан кейин улар янги куч билан пайдо бўлади.
Ҳис-туйғулардан яшириниш керак эмас. Аксинча, уларга очиқ бўлинг ва тўлақонли яшанг. Улар сизни ўлдирмайди, аксинча, даволайди.
Ўз ҳолатимизга қанча кўп эътибор берсак, шунчалик кўп оғриқни ҳис этадигандек туюлади. Бироқ тадқиқотлар бундай эмаслигини кўрсатди. Англанганлик медитациясига амал қиладиган кишилар тажрибанинг бошқа иштирокчиларига қараганда оғриқдан 44 фоизга кам азият чекишган.
