Бензема Роналдунинг рекордини янгилади

«Реал» ҳужумчиси Карим Бензема собиқ жамоадоши Криштиану Роналдунинг рекордини янгилади.

Франциялик ҳужумчи Испания чемпионатининг 3-турида «Леганес» дарвозасини ишғол қилди, бу эса Бензема Испания примерасида 33-жамоага гол уриши бўлди. У шу вақтгача Испанияда турли мавсумларда 33 жамоага қарши майдонга тушган ва фақат «Леганес» дарвозасини ишғол қила олмаганди.

Шу ёзда «Ювентус»га йўл олган Криштиану Роналду Испания примерасидаги иштироки давомида 32 жамоа дарвозасига гол урганди.

«Реал»нинг собиқ футболчиси Уго Санчес ҳисобида ҳам юқори лигада 33 жамоа дарвозасига урилган голлар бор.

Айни вақтда Испанияда энг кўп жамоага гол урган футболчи «Барселона» ҳужумчиси Лионель Месси ҳисобланади, у 36 жамоага гол урган. Иккинчи ўринни 35тадан жамоага гол урган Ариц Адурис ва Рауль бўлишиб турибди. Учинчи ўринни Хулио Салинас (34) эгаллаган. Кейинги ўринларда Бензема, Уго Санчес ва Рауль Тамудо (33тадан) жойлашган.