Келажакда аҳоли сонининг янада ошиши билан ичимлик сувига бўлган эҳтиёж кескин ортади. Шунинг учун ҳам яқин йилларда аҳолини тоза ичимлик суви билан таъминлаш энг долзарб муаммолардан бири бўлишига шубҳа йўқ. Бироқ унга қадар сувга бўлган муносабат ўзгариши шарт.
KUN.UZ янги – “Сўз сизга” лойиҳасининг илк сонида тоза сув исрофи бўйича Андижон шаҳридаги манзараларни тилга олганди.
Андижонда тоза сув исрофини ким тўхтатади?Мазкур лавҳа эфирга кетиши билан муаммолар Ўзбекистон Республикаси уй-жой коммунал хизмат кўрсатиш вазирлиги назоратига олинди. Андижон вилоят ҳокими мазкур масалага жиддий эътибор берди. Вилоят мутасаддилари ишга киришди. 3 кун ичида тоза сув исрофи бартараф этилди.
Биринчи манзил: Андижон шаҳар, Юлдашев кўчасидаги темир қувур носозлиги жорий йил 29 июль куни бартараф этилган. Таъкидлаш керак, мазкур тасвирлар 4 июлда суратга олинган эди. Демак 25 кундан сўнг носозлик бартараф этилган.
Кейинги манзил Андижон шаҳар, Фурқат кўчасидаги марказий сув тармоғидан кўп қаватли уйларга уланган нуқтадаги қувур носозлиги 5 сентябрь куни бартараф этилди.
