Қирувчи ва реактив самолёт, Tesla, “Формула-1” болиди, мотоцикл ва суперкарлар пойгада синалди (видео)

Фото: REUTERS

Истанбулда ўтган аэрокосмик технологиялар фестивалида 402 метрга ноодатий пойга уюштирилди. Учиш-қўниш полосасига 7 та транспорт воситаси – Lotus Evora GT430 ва Aston Martin Vantage спорткарлари, Tesla Model S P1000DL трек электромобили, “Формула-1” болиди, Kawasaki Ninja H2R мотоцикли, F-16 қирувчи самолёти ва Bombardier Challenger 605 реактив самолёти қўйилди.

Кутилмаганда, пойгада мотоцикл ҳайдовчиси ғолиб бўлди. У масофани 9,43 сонияда ўтиб, “Формула-1” болидидан 0,04 сония “чаққонроқ” чиққан. Марра чизиғини учинчи бўлиб F-16 қирувчиси, охирги бўлиб эса Aston Martin Vantage кесиб ўтган.