Ўзбекистон президенти Шавкат Мирзиёев 1 октябрь куни Нью-Деҳлида Ҳиндистон бош вазири Нарендра Моди билан тор доирада учрашув ўтказди. Бу ҳақда давлат раҳбари матбуот хизмати хабар бермоқда.
Мулоқот чоғида Ўзбекистон билан Ҳиндистон ўртасидаги муносабатларни ҳар томонлама мустаҳкамлаш, савдо-иқтисодий, инвестициявий ва бошқа соҳалардаги ҳамкорликни ривожлантириш масалалари муҳокама қилинди.
Халқаро ва минтақавий масалалар юзасидан фикр алмашилди, дейилади хабарда.
Эслатиб ўтамиз, аввалроқ Шавкат Мирзиёев Ҳиндистон ташқи ишлар вазирини қабул қилганди.
