Қорақалпоғистонда «Нексия» трактор тиркамасига бориб урилди, 2 киши ҳалок бўлди

Қорақалпоғистон Республикасининг Шуманай туманида 2018 йил 14 октябрь куни Қонликўл туманида яшаган Қ.Д. бошқарувидаги “Нексия” русумли автомашинани “Ғузор-Бухоро-Нукус-Бейнау” йўлининг 829-км.да ҳайдаб кетаётиб, шу йўналишда олдинда ҳаракатланиб кетаётган У.Г. бошқарувидаги “МТЗ-80” русумли трактори тиркамасининг орқа қисмига урилиб тўқнашув содир этган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Рўй берган воқеа натижасида “Нексия” автомашинаси ҳайдовчиси ва унинг йўловчиси жароҳат олиб воқеа жойида вафот этган. Яна 4 нафар йўловчи эса жароҳат олиб касалхонага ётқизилган. 

Ҳолат юзасидан дастлабки терговолди ҳаракатлари олиб борилмоқда.