Ўзбекистон Республикаси Президенти Ш.М.Мирзиёевнинг 2018 йил 23 мартдаги “Банк хизматлари оммабоплигини ошириш бўйича қўшимча чора-тадбирлар тўғрисида”ги Қарори ижросини таъминлаш мақсадида акциядорлик-тижорат “Қишлоқ қурилиш банк” томонидан тизимли ишлар амалга оширилмоқда. Хусусан, банк филиалларида мижозларга замонавий хизматларни кўрсатиш учун қулайликлар яратилмоқда ва масофавий хизматлар кўлами оширилмоқда. Буни банкнинг Самарқанд минтақавий филиали фаолияти мисолида ҳам кўриш мумкин.
Мазкур филиал биноси замонавий услубда яқинда таъмирдан чиқарилди. Филиалда мижозларга хизмат кўрсатиш учун зарур шароитлар яратилган. Жумладан, филиалга киришингиз билан “Мижозга хизмат” ахборот маркази ходимлари сизга пешвоз чиқади. Улардан банк томонидан кўрсатилаётган хизматлар тарифлари ва турлари, хизмат кўрсатишдаги талаблар ҳақида дастлабки маълумотларни олиш мумкин. Шунингдек, банк фаолиятига доир асосий кўрсаткичлар ва маълумотлар филиал биносидаги ахборот стендларига, электрон мониторларга жойлаштирилган. Филиал замонавий банк технологиялари - банкоматлар, инфокиосклар билан жиҳозланган.
Банкоматлар орқали фуқаролар сўм пластик карталаридаги маблағларни нақдлаштириши мумкин. Инфокиосклар орқали тўловларни пластик карточкалардан ва нақд пулда қабул қилиш, пластик карточка ҳисобварағи ҳаракати тўғрисида маълумот олиш, “SMS-хабарнома” хизматига уланиш имконияти мавжуд. Шунингдек, инфокиосклар ёрдамида “Қишлоқ қурилиш банк”дан олинган кредитларнинг асосий ва фоиз қисмини қайтариш, турли коммунал тўловлар, уяли алоқа операторлари, шаҳар телефонлари, кабель телевидениеси, интернет хизмати учун тўловларни амалга ошириш мумкин.
Фуқароларга даромадли ва жозибакор қатор омонат турлари таклиф қилинмоқда. Эътиборга молик жиҳати, АТБ “Қишлоқ қурилиш банк” Самарқанд филиали тадбиркорлик субъектлари ва аҳолининг бизнес лойиҳалари фаол қўллаб-қувватламоқда.
Давлатимиз раҳбарининг 2018 йил 7 июндаги “Ҳар бир оила - тадбиркор” дастурини амалга ошириш тўғрисида”ги қарори ижросини таъминлаш доирасида ҳудудий ишчи гуруҳи билан биргаликда тадбиркорлик қилиш истагида бўлган фуқароларнинг манзилли рўйхати тайёрланди. Филиалга Самарқанд шаҳар “Фарҳод” массиви “Ширин” ва “Бунёд” маҳалла фуқаролар йиғинлари бириктирилган. Бугунги кунда банк томонидан худуддаги ҳар бир оилани тадбиркор қилиш ҳамда оилаларнинг кредитга бўлган талабини қондириш мақсадида олиб борилаётган ишлар амалий натижаларини бермоқда.
Жумладан, “Шунқор Аҳмедов” хусусий корхонасига Пайариқ туманида жойлашган кичик иқтисодий зонасида тикувчилик цехини ташкил этиш учун 36 ой муддатга имтиёзли шартларда 180 млн. сўм пул маблағи ажратиб берилди. Ҳозирда тикувчилик ускуналарини йиғиб олиб келиш ишлари амалга оширилмоқда. 2018 йилнинг ноябрь ойида тикувчилик цехи тўлиқ ишга туширилади ва ушбу лойиҳани амалга ошириш натижасида корхона томонидан 27 та янги иш ўринлари яратилиши режалаштирилган.
Шунингдек, банкнинг Каттақўрғон филиали томонидан маҳаллаларда оилавий тадбиркорликни йўлга қўйиш мақсадларида 12 нафар фуқарога 295 млн. сўм миқдорида имтиёзли шартларда пул маблағлари ажратилди.
Ажратилаётган молиявий сармоялар ҳисобига ҳудудда тадбиркорлик ҳаракати ривожланмоқда, аҳолининг реал даромадларини ошириш ва уларни ижтимоий муҳофазалашга доир қўшимча манбалар пайдо бўлмоқда. Шу боисдан филиал ходимлари ҳар бир оилани тадбиркор қилиш юзасидан аҳоли ўртасида тарғибот-тушунтириш ишларини олиб бормоқда. Келгусида банк томонидан аҳолини тадбиркор қилиш мақсадларига йўналтирилаётган кредитлар ҳажми янада ортади.
«Қишлоқ қурилиш банк» - фаровон ҳаётингиз хизматида!
Маълумот учун телефонлар:
0 (366) 210-02-47, 0 (366) 210-02-54.
Веб-сайт: www.qqb.uz
Telegram: https://t.me/QQBANK
Facebook: FB.com/official.qqb.uz
Реклама ҳуқуқи асосида
