Туркия президентига алоқаси борлиги айтилувчи турк клуби Ўзилга қизиқиш билдирмоқда

«Истанбул» клуби президенти Гўксель Гумушдағ «Арсенал» яримҳимоячиси Месут Ўзилнинг эҳтимолий трансфери ҳақида гапириб ўтди. Унинг сўзларини Bild нашри чоп этган.

«Месут Ўзил – қимматбаҳо футболчилардан. У билан қачондир «Истанбул»да йўлларимиз туташади, деб умид қиламан. Агар у сафимизда ўйнашни истаса, уни қўлга киритиш учун барча ишни қиламиз», - деди функционер.

Ушбу клуб Туркия президенти Ражаб Тоййиб Эрдўғанга алоқадор экани айтилади. ЖЧ-2018 олдидан Эрдўған ва Ўзил учрашиб, суратга тушишган, бу эса немис матбуоти, Германия футбол федерацияси ва мухлислар эътирозига сабаб бўлган эди.