Германияда бинолари истеъмолдан кўра кўпроқ энергия ишлаб чиқарувчи қишлоқ қад кўтарди

Аугсбург (Бавария, Германия)да ижобий энергетик мувозанатли қишлоқ барпо этилди, бу қишлоқ бинолари истеъмол қилинадиганга нисбатан кўпроқ электр энергия ишлаб чиқаради дегани. Гап фақат ёритиш ёки маиший ускуналарни қувватлантириш учун фойдаланиладиган электр энергияда эмас, иситиш тизими, иссиқ сув таъминоти ва бошқаларни ҳам ўз ичига олган бутун истеъмол қилинадиган энергия ҳақида бормоқда. 

Қишлоқ 13 бино — кучли ташқи иссиқликка эга керамик тошлардан қурилган 9 индивидуал уй ва 4 икки қаватли коттеждан иборат. Коттежнинг максимал майдони: 161 м2.

Бинолар KfW-Effizienzhaus 55 стандартига мувофиқ лойиҳалаштирилган ва қурилган — бу KfW тараққиёт банкининг юқори энергосамарали бинолари стандартидир. «55» рақами бирламчи энергия харажати бу ерда амалдаги давлат нормасидан 55 фоиздан ошмаслиги кераклигини англатади. Бугунга келиб KfW-Effizienzhaus 55 стандарти тахминан Пассив уй мезонларига мувофиқ келади. Шу тариқа қишлоқ биноси иссиқлик энергиясига бўлган талабнинг жуда пастлиги билан ажралиб туради. 

Ҳар бир бинода қуёш электр станцияси ўрнатилган. Якка тартибдаги уйда - 11,8 кВт қувватли, икки қаватли  коттежда - бир оилага 7,56 кВт. У 6,4 кВт/с сиғимли литий-ион электр энергия йиғувчиси билан уйғунлашади. Шунингдек, бинода иссиқлик энергия тўпловчиси, бир уй учун 1500 л ва коттежларда бир оила учун 1000 л сиғимли буфер баки ҳам ўрнатилган. 

Иссиқлик ва иссиқ сув ишлаб чиқариш фотоэлектр станциясидан созламаларга мувофиқ келувчи ҳаво-сув иссиқлик насоси орқали амалга оширилади. Бундай биноларда иссиқлик рекуперацияси (иссиқлик узатиш) бўлган вентиляцион қурилма "серияли" бўлиши керак. Мазкур ҳолатда 90 фоизли иссиқлик узатиш коэффициентига эга қурилмалар қўлланилади. 

Якка тартибдаги уй учун умумий энергетик харажатлар йилига 6 651 кВт/с'ни ташкил қилади, икки қаватли коттежнинг ярмига - йилига 6 050 кВт/с. Бунда қуёш электр станцияларининг режали ишлаб чиқариши йилига 13 168 ва 8 343 кВт/с'ни ташкил қилади, яъни шахсий уйда бир йилда энергия ишлаб чиқариш унинг истеъмолидан икки баравар ошади. 

Бинолар электромобилларни зарядловчи қурилмалар билан жиҳозланган. Ишлаб чиқарилувчи ортиқча энергия шу тариқа қўлланиши мумкин - бугун Германияда шахсий электр энергияни тармоққа сотгандан кўра уни истеъмол қилган фойдалироқ.