МузА – ҳали ҳаммаси олдинда!

Ҳойнаҳой, МузА бренди сизга таниш, агар таниш бўлмаса келинг, танишинг.

МузАнинг тарихи бундан 17 йил олдин, 2001 йилда бошланган. У даврда мамлакатимиз истеъмол бозорида дунёнинг илғор андозаларига мос келувчи қандолат маҳсулотлари ишлаб чиқарувчилар деярли йўқ эди. Айнан ўша даврда корхона Республикада биринчи бўлиб шоколадли ва ичига қиём солинган «Славянские» пряникларини ишлаб чиқара бошлади. Бу пряниклар жуда қисқа вақтда аҳолимиз орасида машҳур бўлиб кетди ва ҳали ҳануз истеъмолчиларимиз ардоғида.

Кўп ўтмай МузА қатламали хамирлари аҳолига тақдим қилинди. Бу маҳсулот Ўзбекистон бозорида мутлоқ янгилик, таъбир жоиз бўлса кутилмаган янгилик бўлди. Тез орада ўзбек аёлларининг ёрдамчисига айланди, минглаб аёлларнинг оғирини енгил қилиб, анча шов-шувга сабаб бўлди. Ўзининг шуҳрати билан жуда кўп рақобатчи маҳсулотларнинг пайдо бўлишига асос солди. Бундай рақобатдан эса аҳолимиз фақат фойда кўрди холос.

Бундан илҳомланган МузА кўп ўтмай оширма қатламали ва сулили маҳсулотларни аҳолимиз дастурхонига етказиб бера бошлади. Айниқса, қатламали таёқчалар (слоёные палочки), қулоқчалар (слоёные ушки) ва сулили печеньелар 13 йилдирки аҳоли эътиборини қозониб келмоқда. Бу маҳсулотларни, шу билан баробар, музлатилган қатлама ва музлатилган чўзма лағмонларни ҳам Ўзбекистонда биринчи бўлиб МузА ишлаб чиқаришни йўлга қўйди.

17 йил давомида МузА анча узоқ йўлни босиб ўтди. «Sabfatek» компанияси ишлаб чиқаришни қиммат, шу билан бирга замонавий Европа ускуналари билан жиҳозлади. Чет эллардан, хусусан Голландия ва Германиядан мутахассислар таклиф қилиб, улардан иш ўрганди, ўз ходимларини чет элларда таълим олишларига, чет элдаги энг илғор кўргазмаларда тажриба алмашишларига имконият яратди. Ишлаб чиқаришда кимёвий консервантлар ва ранг берувчи сунъий қўшимчалардан фойдаланмай, ривожланишнинг олди қаторларида бўлишга ҳаракат килди. 5 киши билан иш бошлаган МузА, бугунги кунга келиб ҳамфикр ва ҳамнафас булган 250 кишини бирлаштирган тарзда фаолият юритмоқда.

Корхонада маҳсулот сифатига жуда катта эътибор берилади, барча хомашё текшириб, сўнгра қабул қилинади, ишлаб чиқариш жараёнида қаттиқ назорат ўрнатилган, санитария ва гигиена қоидаларига қатъий амал қилинади.

“Хўш, ишлар яхши, аҳоли эса эса мамнун бўлса яна нима ҳам керак?”,- деб сўрашингиз мумкин. Лекин МузА ривожланишда давом этиш ниятида. Бунинг учун МузА бренди янгитдан туғилди. Логотип ва қадоқлар дизайни, кўриниши тубдан ўзгартирилди, маҳсулотлар логистикаси яхшиланди (кўча-куйда МузА бренди тасвирланган машиналарга кўзингиз тушгандир), ишлаб чиқаришга янги технологиялар жорий этилмоқда. Энг асосийси МузА бир қатор янги маҳсулотларни ўзининг азиз харидорларига таклиф қилмоқда. Янги қадоқлардаги маҳсулотларга кўзингиз тушса, уларни фақат ташқи кўриниши ўзгарган деб ўйламанг. Барча маҳсулотларнинг сифати янада яхшиланмоқда, турлари эса кенгаймоқда. Харидорлар ўртасида танилиб улгурган чак-чак, лимонли рулетчалар, асалли ва творогли пироглар сафига қўшилган шоколадли «Сан-Фелипе» ва мевали «Лесная ягода» тортчалари ҳам харидорларга манзур бўлиши аниқ. Ичида қиёмли маффинлар эса ёшларимизга манзур бўлиши табиий.

Бир қарашда МузА ўз харидорларини 17 йилдан бери хурсанд қилиб келмоқда, лекин ишонинг, ҳаммаси энди бошланаяпти!

http://WWW.MUZA.UZ

Телефонлар: +998-712468043, 712468833

Реклама ҳуқуқи асосида