Украиналик вазир ўз юбилейини Кремль харобалари кўринишидаги торт билан нишонлади

Фото: www.facebook.com / Marina Tomko

Украина инфратузилма вазири Владимир Омеляннинг матбуот котиби Марина Томко раҳбарига 40 ёшлик юбилейи муносабати билан Москвадаги Кремлнинг харобалари шаклида бўлган торт совға қилишганини айтиб берди.

Унинг фейсбук саҳифасида жойлаштирилган постдаги суратдан кўриш мумкинки, тортнинг бир томонида Кремль харобалари кўринишида «Слава Україні!» («Украинага шон-шарафлар!») ёзуви бор. Шунингдек, қандолатчилар қулаган Спасская минораси ёнида балалайка ва қизил юлдузли қулоқчинга эга айиқни жойлаштиришди.

Унинг таъкидлашича, Омелян Спасская минорасида бўлган юлдузни татиб кўрган.

Эслатиб ўтамиз, аввалроқ Украина МДҲдан икки ой ичида чиқиб кетишга қарор қилганди.