Путин дзюдочилар билан машғулот вақтида бармоғини шикастлаб олди

Россия президенти Владимир Путин Сочидаги спорт тайёргарлиги маркази “Юг-спорт”даги машғулотда ўнг қўли бармоғини шикастлаб олди.

Путин марказни кўздан кечирган, бокс, дзюдо ва эркин кураш бўйича Россия терма жамоаси вакиллари билан қисқача суҳбатлашиб, дзюдо машғулотида иштирок этган.

Бироқ машғулот вақтида, Путин отиш машқини бажараётганда бармоғи шикастланган. Шу сабаб Россия раҳбарига тиббий ёрдам кўрсатилган.

Ушбу мажмуа 3 йилдан бери мавжуд бўлиб, 100 дан кўпроқ мусобақаларни қабул қилган. Мажмуада спортнинг қишки ва ёзги 54 тури бўйича спортчиларни тайёрлаш учун барча шароитлар яратилган.