Қўшимча функционаллар
-
Тунги кўриниш
Тошкентда Европанинг номдор олий таълим муассасаларидан бирининг филиали очилиши мумкин
Фото: Wikipedia
Тошкент шаҳрида Страсбург университети филиали очилиши мумкин, шунингдек, Тошкент ва Страсбург бошқарув маъмурияти ўртасида ҳамкорлик алоқалари кенгайиши кутилмоқда. Бу ҳақда Kun.uz мухбири хабар бермоқда.
19 февраль куни Тошкент шаҳар ҳокими Жаҳонгир Ортиқхўжаев Европа парламенти аъзоси ва Париж шаҳар округи мэри Рошида Датини қабул қилди. Учрашувда ўзаро ҳамкорлик, хусусан Европа олий таълим муассасаларидан бирининг филиалини Тошкент шаҳрида ташкил этиш масалалари муҳокама этилди.
Шунингдек, учрашувда Париж бизнес вакилларининг Тошкентга ташрифини амалга ошириш режаси ҳам кўриб чиқилди.
Тошкент шаҳар ҳокимининг архитектура, капитал қурилиш ва коммуникация ишлари бўйича ўринбосари Даврон Ҳидоятов маълумотига кўра, франциялик мутахассислар пойтахт инфратузилмасини яхшилаш, хусусан ичимлик суви таъминоти масаласида ҳамкорлик қилишга тайёр.
Маълумот учун, Страсбург университети жаҳон олий таълим муассасалари рейтингида 87-ўринда қайд этилади. Университет битирувчиларининг 18 нафари Нобел мукофоти лауреати ҳисобланади.
Мавзуга оид
18:57 / 05.02.2026
Ёнғин вақтида асосий эшикка эмас, эвакуацион чиқиш зинасига йўналиш керак – фавқулодда вазиятларда қандай ҳаракатланиш лозим?
09:34 / 05.02.2026
Тошкентда ёнғин хавфсизлиги талабларига жавоб бермаган объектлар фаолияти тўхтатилмоқда
09:18 / 04.02.2026
“Юзимни бузиб қўйишди” – Тошкентда сохта косметологлар жиноий жазога тортилди
21:31 / 02.02.2026