Канададаги йўлда 70 та автомобиль тўқнашди

Канаданинг Онтарио провинциясида 70 та автомобиль йўлда тўқнашиб кетди. Бу ҳақда City News Toronto хабар бермоқда.

Йўл транспорт ҳодисасида бир нечта трактор тиркамалари ҳам иштирок этган. 500 литр дизель ёқилғиси атрофга ёйилиб кетгани ҳақида хабар берилмоқда.

Ҳайдовчиларнинг сўзларига кўра, тўқнашув йўлнинг музлаб қолиши сабабли содир бўлган.

Бундан ташқари, унчалик жиддий бўлмаган жароҳат олган жабрланганлар ҳақида маълумотлар бор.

Эслатиб ўтамиз, аввалроқ америкаликлар Монтана штатини Канадага 1 триллион долларга сотмоқчи экани хабар қилинганди.