Афғонистонда тошқинлар сабабли 20 киши ҳалок бўлди

Фото: report.az

Афғонистон жанубида кучли ёмғирлар оқибатида юз берган тошқинлар сабабли 20 киши, жумладан болалар ҳалок бўлди, 10 киши бедарак йўқолган деб ҳисобланмоқда. Бу ҳақда БМТнинг гуманитар фаолиятни мувофиқлаштириш бошқармаси хабар қилди.

Бошқарма маълумотларига кўра, 1 март куни Қандаҳор вилоятида кучли ёмғирлар қайд қилинган. Охирги 30 соат ичида бу ерга 97 миллиметр ёғингарчилик тушган.

Бундан ташқари, инфратузилмаларга жиддий зарар етган. Қандаҳор шаҳрининг ўзида 600 га яқин уй вайрон бўлган. Жабрланувчилар хавфсиз ҳудудларга эвакуация қилинган.