Гуайдо Венесуэланинг амалдаги ҳукуматини кетказиш учун "барча йўллар"ни кўриб чиқмоқда

Фото: REUTERS

Венесуэла мухолифати етакчиси Хуан Гуайдо Венесуэла ҳукуматини четлатиш учун қўлланилиши мумкин бўлган ҳеч бир ҳаракатни истисно қилмаяпти. У бу ҳақда El Pais газетасига интервьюсида маълум қилди.

"Биз Венесуэлада ҳамма нарсани қўллаб кўрдик. Ҳар доим зўрлик ишлатмасдан ва курашда давом этамиз. Ҳукмронликка чек қўйиш учун барча йўллар ҳақида айтишим лозим", - деди у.

Венесуэла ишига ташқаридан аралашув ҳақидаги саволга жавоб бераркан, у буни "баҳсталаб йўл" деди.

"Бундан ташқари, аралашишнинг имкони йўқ, чунки ҳамкорлик ҳақида илтимос қиладиган ҳукумат вазифасини бажарувчилар бор", - деди Гуайдо ўзини назарда тутиб.

"Мен венесуэлаликларга ишонаман, ҳарбийлар эса венесуэлаликлар", - деди у.

23 январь куни мухолифат етакчиси ўзини Венесуэла президенти вазифасини бажарувчи деб эълон қилди. Уни АҚШ ва ЕИдаги қатор давлатлар тан олди. Президент Николас Мадуро бу воқеани давлат тўнтариши деб атади. Уни Россия, Боливия, Эрон, Хитой, Куба, Никарагуа, Сальвадор, Сурия ва Туркия қўллаб-қувватламоқда.

#Венесуэла #Гуайдо

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди