«Раҳбарларнинг севимли китоби»: Ким қандай асарларни тавсия этади?

Ҳуқуқшунос Хушнудбек Худайбердиев «Раҳбарларнинг севимли китоби» лойиҳаси доирасида вазирлар, ҳокимлар ва ҳукуматнинг бошқа вакилларининг энг севимли китоблари рўйхатини тақдим қилишда давом этади.

Владимир Норов – Шанхай ҳамкорлик ташкилоти Бош котиби

• Пиримқул Қодиров. «Юлдузли тунлар»
• Дейл Карнеги. «Дўст орттириш ва одамларга таъсир кўрсатиш тўғрисида» («How to Win Friends and Influence People»)
• Ли Куан Ю. «Учинчи дунё мамлакатларидан - биринчига. Сингапур тарихи (1965-2000)»

Шунингдек, В.Норов ёзувчи Нассим Николас Талебнинг «Мўртликка қарши - хаосдан фойда олиш» («Антихрупкость – Как извлечь выгоду из хаоса») асарини ҳам тавсия қилди.

Иброҳим Абдураҳмонов - Инновацион ривожланиш вазири

• Исажон Султон. «Ҳазрати Ҳизр изидан» ҳикояси ва «Генетик» романи
• Жеймс Уотсон. «Қўшалоқ занжир»
• Бенжамин Льюин. «Генлар»

Шунингдек, И.Абдураҳмонов Иқбол Мирзо ижодини севиб мутолаа қилишини таъкидлади.

Дилмурод Набиев – Жисмоний тарбия ва спорт вазири

• Муҳаммад Юсуф ва Владимир Маяковский шеърлари
• Лев Толстой. «Уруш ва тинчлик»
• Абдулла Қодирий. «Ўткан кунлар»

Эркинжон Турдимов – Самарқанд вилояти ҳокими

• Абдулла Қодирий. «Ўткан кунлар», «Меҳробдан чаён»
• Марсель Брион. «Амир Темур», «Менким, Соҳибқирон – Жаҳонгир Темур»
• Чингиз Айтматов. «Оқ кема», «Эрта қайтган турналар»

Алишер Ходжаев – Ўзбекистон миллий телерадиокомпанияси раиси

• Анатолий Кондрашов (тузувчи). «Буюк инсонларнинг буюк фикрлари» («Великие мысли великих людей. Мудрость тысячелетий»)
• Грэхем Даулинг. «Маркетинг илми ва санъати» («Наука и искусство маркетинга»)
• Амир Темур. «Темур тузуклари»

Беҳзод Мусаев – Солиқ қўмитаси раиси

• Фёдор Достоевский. «Жиноят ва жазо»
• Александр Беляев. «Профессор Доуэлнинг боши», «Ариэль»
• Александра Дюма. «Қиролича Марго»

Шунингдек, Б.Мусаев Эркин Воҳидов ижодини ёқтиришини таъкидлади.

Сардор Рустамбоев – Ўзбекистоннинг Франция Республикасидаги Фавқулодда ва мухтор элчиси

Суҳбатдошимиз севимли асарлари ҳақида гапирар экан, энг аввало Қуръони Каримни ёдга олди.
Бадиий асарлардан қуйидагиларни севиб мутолаа қилганини таъкидлади:

• Теодор Драйзер. «Молиячи», «Титан» ва «Матонатли» трилогияси
• Михаил Булгаков. «Уста ва Маргарита»
• Айн Рэнд. «Атлант елка қоққанда» (Atlas Shrugged)

Элдор Туляков – «Тараққиёт стратегияси» маркази раҳбари

• Константин Душенко. «Сиёсатчи ва журналист учун универсал иқтибослар тўплами» («Универсальный цитатник политика и журналиста»)
• Никколо Макиавелли. «Ҳукмдор»
• Эркин Воҳидов, Абдулла Ориповнинг шеърий тўпламлари