Мадуро ҳарбийларни АҚШнинг бостириб киришига тайёр туришга чақирди

Фото: AFP / Venezuelan Presidency

Венесуэла президенти Николас Мадуро ҳарбийларни АҚШ бостириб кирадиган бўлса мамлакатни ҳимоя қилишга тайёр туришга чақирди, деб хабар берди RT телеканали.

"Агарда Шимолий Америка империяси бу муқаддас ерга тажовуз қилишга ҳадди сиғадиган бўлса ҳарбийлар мамлакатни қўлда қурол билан ҳимоя қилишга тайёр туришлари шарт", — деди у Кохедес штатида минглаб ёш кадетлар билан учрашувда.

30 апрелда Венесуэлада давлат тўнтарувига уринишдан кейин мухолифат вакиллари ўз етакчилари Хуан Гуайдо чақириғига кўра Каракас ва бошқа штатлар кўчаларига чиқишди. Полиция билан энг кескин тўқнашувлар Карлота авиабазаси яқинида бўлиб ўтган. База яқинидаги отишмада 6 киши жабрлангани маълум қилинган.

Тайёрлаган Дилшод Аскаров

#АҚШ #Мадуро

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди