Таллин обидалари бўйлаб саёҳат

Болтиқбўйи – туризм учун жозибадор масканлардан. Эстония пойтахти Таллинда ташриф буюриш керак бўлган қизиқарли жойлар талайгина.

Қайта таъмирлашдан кейин ҳақиқий Ижод шаҳрига айланган Теллискивини барча замонавий нарсалар маркази деб аташ мумкин. У ерда бадиий ва техник кўргазмаларга бориш ва бозорлар бўйлаб сайр қилиш мумкин.

Қачонлардир ёпиқ бўлган телеминора меҳмонларни ўзининг футуристик ички дизайни ва интерактив экспозицияларидан баҳра олишга таклиф этади.

Табиат боғларида сайр қилишни истаганлар учун Кадриорг боғидан яхшиси топилмайди. Унга Пётр I давридаёқ асос солинган. Ана ўша вақтда сарой қурилган ва гуллар боғи яратилган. Ландшафтга Оққушлар кўли янада чирой бағишлайди. Боғда XVIII асрдаги манзара сақлаб қолинган.

Дам олиш кунларидаги ҳордиқ учун Ротерман квартали ажойиб жойга айланади. Бугун бу ерда одамлар ишлайдиган, харидлар қиладиган ва дам оладиган савдо ҳудудлари мавжуд.

Таллин ўзининг ўрта аср архитектураси билан ҳам қизиқ. Қадимги давр муҳитига шўнғиш учун кўчалар бўйлаб сайр қилиш мумкин.

Uus Maailm тумани романтик ёки «Янги олам» деб аталади. Бу жойда  шаҳар ҳудудини ташкиллаштиришга ҳисса қўшиш истагидаги ёшлар тўпланишади.

Фаол ҳордиқ учун шаҳардаги Пирита пляжини таклиф этиш мумкин. Бу ерда волейбол ўйнайдилар, жазирама кунларда эса сувга шўнғишади. Унда акула ва бошқа хавфли сув жонзотлари йўқ.

Дания қироли боғи ўзининг табиати билан мафтун этади.

Қадимий Таллинга юқоридан назар солиш кишини ҳайратга солади. Тоомпеа ёки Кохтуотсадаги томоша майдонларида шаҳарни завқ билан кузатиш мумкин. Маҳаллий аҳоли ва сайёҳлар бу ерга келишни жуда ёқтиришади.