Марказий банк раиси: «Банклардан чет эл валютасини нақд олиш муаммо бўлмаслиги керак»

Фото: Халқаро пресс-клуб

Халқаро пресс клубда "Ҳар бир оила – тадбиркор" давлат дастурининг ижроси юзасидан муҳокама сессияси бўлиб ўтмоқда, деб хабар беради Kun.uz мухбири.

Сессияда иштирок этаётган Марказий банк раиси Мамаризо Нурмуродов чет эл валютасини айирбошлашнинг "қора бозор" шакли хусусида фикр билдирган.

"Йўлга қўйилган тизимга асосан банкларда чет эл валютасини сотиш ҳам, сотиб олиш ҳам муаммо туғдирмаслиги керак. Шунингдек, валютани карта орқали олиш ҳам, жойларда ўрнатилган ускуналар ёрдамида нақд кўринишда ҳам олиш мумкин", - дейди Марказий банк раиси.