Шавкат Мирзиёев бугун Тошкент вилоятига ташриф буюради

Ўзбекистон президенти Шавкат Мирзиёевнинг Тошкент вилоятига ташрифи бошланди. Бу ҳақда Тошкент вилояти ҳокимлиги ахборот хизмати хабар бермоқда.

Қайд этилишича, давлат раҳбари дастлаб Ангрен шаҳридаги вокзал ва савдо мажмуасига боради. Сўнгра Оҳангарон шаҳри ва туманига ташриф буюриши режалаштирилган.

Президент Оҳангарон шаҳридаги Давлат хизматлари марказининг янги биносида ҳамда Оҳангарон туманида иш бошлаётган ғишт заводида бир қатор лойиҳалар билан танишади.