Виталий Денисов клубини ўзгартиради

Ўзбекистон миллий жамоаси ва Москванинг «Локомотив» клуби ҳимоячиси Виталий Денисов янги жамоага ўтади.

«БИЗНЕС Online» хабарига кўра, 32 ёшли футболчи Қозоннинг «Рубин» клуби билан эркин агент сифатида шартнома имзолайди. Футболчи тез орада тиббий кўрикдан ўтади.

Эслатиб ўтамиз, Виталий Денисовнинг «Локомотив» билан имзолаган шартномаси 2019 йил июль ойига қадар мўлжалланган эди.

Ўтган мавсумда у «Крилья Советов» таркибида ижарада ўйнади ва барча мусобақаларда 17та ўйинда майдонга тушиб, 1та голга ҳаммуаллифлик қилган.