Марадона: «Мен ўлаётганим йўқ»

Фото: Getty Images

Аргентина футболи афсонаси Диего Марадона ўлимга олиб келувчи бедаво Альцгеймер касаллигига чалинганини инкор қилди.

«Одамлар мени Альцгеймерга чалинганимни айтишмоқда. Ваҳоланки бу ҳақда ҳеч нимани билишмайди. Бу даҳшатли хасталик. Одамлар Альцгеймердан ўлиб кетишади, мен эса йўқ. Мен ўлаётганим йўқ!» - деди Марадона.

Аввалроқ 58 ёшли Марадона соғлиғи билан боғлиқ муаммолар туфайли, Мексиканинг «Дорадос» клуби бош мураббийлигидан кетган эди.