Қозоғистондаги портлашда жабрланганлар сони 46 кишига етди

Фото: Хабар 24

Қозоғистон жанубидаги ҳарбий қисмда содир бўлган портлаш оқибатида жабрланганлар сони 46 кишига етди, деб хабар қилди Чимкент соғлиқни сақлаш бошқармаси.

Хабар қилинишича, 34 киши Туркистон областидаги клиник касалхонага ётқизилган. Яна 12 киши Чимкент шаҳридаги шаҳар касалхонасига мурожаат қилган.

Жабрланганлардан бирининг аҳволи оғир эканлиги айтилмоқда.

24 июнь куни маҳаллий вақт билан соат 09:20да Арисдаги ҳарбий қисмда давомли портлашлар рўй берди ва ёнғин бошланди. Ҳукумат атрофдаги барча аҳоли яшаш пунктларидаги аҳолини кўчиришга буйруқ берган.